Page 1 of 1
القراية أم دق
Posted: 11 Jun 2012, 01:50
by einas
ازيكم يا ناس الله .... القراية دي بقت حارة كدا ليه؟؟؟؟ ...الكبر دخل ولا زهجت ولا الفيس بووووك ما مديني فرقة؟؟
على الوقت عندي كتير ... الكتب عندي كلها .... البقعدني شنوووو؟؟؟ بالله عليك الله ما تبخلوا باقتراحاتكم وورونا نعمل شنو في المسألة دي
تشكراتنا مقدما
Re: القراية أم دق
Posted: 11 Jun 2012, 18:28
by Dr.Sudan
سجلي في امتحان
وأهم شي تدفعي الرسوم
دا الحل الأفضل
Re: القراية أم دق
Posted: 11 Jun 2012, 21:59
by M. I. T.
والله موضوع الرسوم دا اهم شي الزول كن سجل في امتحان ودفع الرسوم بحس انه الامتحان بقى بكرة عديل
يا دكتورة بديك القعدة دي بس اديني نص الزمن العندك
Re: القراية أم دق
Posted: 12 Jun 2012, 03:58
by einas
تسلم دكتور سودان ودكتور امام على النصيحة ... دي كانت فكرتي بس المشكلة الامتحان الجاي دا
غااااااااااااااالي لو الزول ما ضمن انو قاااااااااااري تمام المجازفة صعبة والله
عليك الله بيني وبينكم الكان جابرنا على دا شنو ؟؟؟؟؟ بس الحمد لله
Re: القراية أم دق
Posted: 19 Jun 2012, 22:42
by Dr.Sulafa Elagib
دق شديد والله ياايناس انا القدامك دى عشان اخلص الماستر اتخيلي لي روحى خلصت مرتين تلاتة معاهو وبالمناسبة انتى لخصتى اسباب
عدم القدرة على القراية بكل دقة,,,,ربنا يوفقك يا ستي
Re: القراية أم دق
Posted: 31 Dec 2012, 14:00
by thuraiaibrahim
دق ساى هو !!
الله يهون غايتو و يعين على شد الحيل ..
و الله فعلا لقد هرمنا ..لكن يا إيناس المصيبة الاسمها الفيس بوك دى شيطااااااااان قراية كبيييير ..
الله يكفينا شره و شر غيرو ..
أنا أؤمن بفلسفة عباس محمود العقاد**
[/align] :
ليست العبقرية الا القدرة على بذل الجهد المتواصل
و لعل قليلا من الجهد الاضافى يحيل ما بدأ إخفاقا ذريعا الى نجاح باهر
و
ألا هزيمة إلا فى ضعف العزيمة الكامنة فى النفس
و ألا هزيمة إلا فى التوقف عن البطولة