Page 1 of 1

the fearsome ECG

Posted: 18 Jan 2014, 21:05
by hitttta
بسم الله الرحمن الرحيم
والصلاة والسلام على اشرف الانبياء والمرسلين
وبعد
بالنسبة للاي سي جي
ECG
كانت عندي عقدة من الاي سي جي استمرت لمدة سنوات
انا وهو ما بنتقابل
لا انا بفهمو ولا هو بيفهمني
كان عندي اكتر من 10 كتب اي سي جي منها ميد يزي ومنها انتربريتيشن ومية وخمسين كيس
لكن كل كتاب ببدا فيهو عشرة صفحات وبكسل وبكبر الموضوع في راسي وبتزيد رهبة الاي سي جي عندي
زيي زي كتير من الشباب والشبايب
ودي المشكلة
المشكلة انو اغلبنا بنحاول نفهم الاي سي جي كخروف كامل
وعمرو مافي زول اكل ليهو خروف براهو في قعدة واحدة
وكل مرة انا بأجل في الموضوع لحدي قبل اسبوعين
قبل اسبوعين قالو لينا في كورس المهم مشيت سجلت فيهو
واحدة من المحاضرات كانت
ecg
ومدتها نص ساعة
وكان الكورس اغلبو مفيد
لكن محاضرة الاي سي جي كانت اروع نص ساعة اقضيها في محاضرة في حياتي
فهمت فيها من الاي سي جي ما لم افهمه في عمري كلو
هو الزول دا ما برانا كتير لكن شال حتت كبار كبار
ناقش معانا فيهم حوالي 7 ابنورماليتيز مرتبطة بالاي سي جي بما فيا الام اي والفبريليشنات والبلوكات
وياا للعجب
الزول دا لمن انتهت النص ساعة قمت من مكاني مشيت صافحتو بشدة
والناس مستغربة
لانو في النص ساعة دي ما شرح لينا الاي سي جي لكن قطع ظهرو كلو كلو
ما دخل في اي تفاصيل لكن ورانا بالظبط ورقة الاي سي جي في الحالات دي ممكن تجيك كيف وكيف وكيف وكيف
بصراحة الموضوع طلع ابسط من المفروض
وان شاء حا احاول بقدر الامكان اشرح الاي سي جي بقدر من البساطة للداير
اذا شاء الله

Re: the fearsome ECG

Posted: 19 Jan 2014, 09:42
by elbaa
لك التحيه
كي تعم الفائدة نرجو رفع المحاضرة لعموم

Re: the fearsome ECG

Posted: 19 Jan 2014, 22:13
by yousif hamza
كويس جدا انو عقدة الأي سي جي اتحلت بالنسبة ليك..يا ريت تشاركنا ولو عبر ديسكشن تجربتك الجميلة دي

Re: the fearsome ECG

Posted: 19 Jan 2014, 22:55
by husamahmed123
كلام طيب لتجربة نجاح انا عندي زيادة 3 كتب الا الرهبة مطلعة عينى 4-7 صفحة الا تجي السنة الجديدة عشان نعاود الكرة لكن داير أعرف أن في كورس عن ال ECG فدلونا مستعدين ندفع